Njóttu ferðarinnar

Hið séríslenska fyrirbrigði bíltúrinn er eitthvað sem við öll eigum minningar um. Hvort sem það var ísbíltúr með fjölskyldunni, skrepp niður á bryggju með afa og ömmu eða hinn eini sanni rúntur með vinunum. Íslendingar hafa aldrei þurft sérstaka ástæðu til þess að setjast upp í bíl og keyra af stað. Okkur langar bara stundum „á rúntinn“.

Þessi þörf okkar Íslendinga er hér persónugerð í ævintýragjörnum, lífsreyndum hundi, sem lætur ekkert stöðva sig í að komast á rúntinn og nýtir hvern dag í nýtt ferðalag. Með stuttri viðkomu á Skeljungi að sjálfsögðu.